AdresslisteKontaktSuche

 

 

 

Ysicht

 

Es het im Läben alls sy Zyt

u die geit für u früschi Sache

stah vor der Türen u sy z mache;

Was hüt isch gsi, isch morn scho wyt!

Mi sött drum nid a allem hange;

Was hüt eim freut, bringt morn scho Stryt!

E shet im Läben alls sy Zyt

u's treit nüt ab, im nache z blange.

Muesch loufe, louf; chasch ryte, ryt!

Nimm's wi nes chunnt u gib di zfride;

Bal bisch de dobe, bal denide;

- Es het im Läben alls sy Zyt!

                   Carl Albert Loosli